Uko wahagera

Perezida Mugabe Arasaba Ko Imyigaragambyo Ihagarara


Muri iki cyumweru hitezwe indi myigagarambyo yamagana guverinema ku nzitizi yashyize ku bicuruzwa bitumizwa hanze

Muri iki cyumweru hitezwe indi myigagarambyo yamagana guverinema ku nzitizi yashyize ku bicuruzwa bitumizwa hanze

Perezida Robert Mugabe wa Zimbabwe, arahamagarira ubumwe mu gihugu. Yanasabye ko imyigaragambyo yamagana guverinema ye yahagarara. Avuga ko iganisha k’urugomo.

Umukambwe Mugabe w’imyaka 92, ibyo yabisabiye kuri uyu wa mbere, mu muhango wo kwizihiza ba sekombata babohoje Zimbabwe mu ntambara. Umuhango wabereye muri Kiriziya nkuru y’igihugu i Harare.

Mugabe yagize ati: “Ndasaba amahoro n’ubumwe mu banyazimbabwe. Tugomba kuguma mu bumwe, tukamenya ko mu by’ukuri, nta bumwe, ntacyo twageraho. Hazaba ugucikamo ibice, impagarara, imirwano n’urugomo. Niyo mpamvu, ibintu bimeze nk’imyigaragambyo ntacyo byungura. Kubera ko amaherezo irangira ibayemo urugomo”.

Ba sekombara barwanye intambara yo kubohoza Zimbabwe, yarangiye igihugu kibonye ubwigenge mu 1980, babaye inkingi ikomeye mu gushyikira Mugabe. Cyakora Ishyaka riri ku butegetsi ZANU-PF vubaha ryirukanye ba sekombata bane nyuma y’uko bise Mugabe “umunyagitugu”.

Muri iki cyumweru hitezwe indi myigagarambyo yamagana guverinema ku nzitizi yashyize ku bicuruzwa bitumizwa hanze.

Kuri uyu wa mbere, Mugabe yarahiye kudakuraho izo nzitizi, avuga ko zibereyeho kurinda inganda za Zimbabwe ubu zitorohewe mu ihiganwa n’ibikorerwa muri Afurika y’Epfo.

XS
SM
MD
LG