Uko wahagera

Boko Haram Ifite Umuyobozi Mushya


Umutwe wa leta ya Kiyisilamu uvuga ko uwo bikorana, Boko Haram mu burengerazuba bw’Afurika, ufite icyicaro cyawo muri Nijeriya, ufite umuyobozi mushya.

Mu kanyamakuru kawo kaba gasohoka buri kwezi, umutwe wa Leta ya Kiyisilamu, watangajemo ikiganiro wagiranye n’umugabo Abu Musab al-Barnawi, uwo mutwe wita “meya” w’uburengerazuba bw’Afurika. Boko Haram yagiranye igihango na Leta ya Kiyisilamu mu mwaka ushize.

Isosiyeti y’ubutasi SITE, icunga ibyo imitwe y’iterabwoba ikorera ku mbuga nkoranyambaga, ivuga ko ako kanyamakuru nta makuru katanze y’aho Abubakar Shekau wayoboraga Boko Haram yaba aherereye n’uko byamugendekeye.

Shekau uzwi ku magambo yuzuye ubukana yakunze kuvuga, aheruka kuboneka kuri video mu kwezi kwa gatatu aho yasaga n’aho yayamanitse ubwo yavugaga ati “Kuri jye bigeze ku ndunduro” ariko yirinze gutanga ibisobanuro birambuye.

XS
SM
MD
LG