Uko wahagera

USA: Bane Banduye Zika muri Florida


Muri leta ya Florida iri mu majyepfo ya Leta Zunze Ubumwe z’Amerika, hatangazwa abantu bane banduye virusi ya Zika. Nta sano bifitanye n’ingendo nkuko byatangajwe na guverineri wa Florida, Rick Scott, mu kiganiro yahaye abanyamakuru.

Abo bantu 4 muri leta ya Florida bagaragayeho virusi ya Zika, bari mu gace gato k’amajyaruguru y’umujyi wa Miami. Ibyo guverineri Scott abivuga ashingiye ku makuru yatanzwe n’abashinzwe ubuzima.

Leta ya Florida yasabye miliyoni 15 z’amadolari yo kurwanya Zika byihutirwa. Azashyira mu kigega cyo gukusanya imibu no kuyipima. Mu bindi azakoreshwamo harimo porogaramu zo kwitegura kurwanya iyo virusi.

Ikigo cya Amerika gishinzwe kurwanya no gukumira indwara, CDC, kivuga ko cyatanze miliyoni umunani z’amadolari.

Ikigo gikuru cya leta ya Florida cyakira amaraso, OneBlood, cyavuze ko kizapima virusi ya Zika mu maraso yose yatanzwe kibitse.

Umubu utwara virusi ya Zika, wabonetse muri leta zo mu majyepfo ya Leta zunze ubumwe z’Amerika. Abategetsi batekereza ko iyo virusi ishobora gukwirakwira muri ibi bihe by’impeshyi kandi bagerageje kuyikumira.

XS
SM
MD
LG