Uko wahagera

Liberiya Izohimbaza Imyaka 169 Imaze Yikukiye


Perezida Ellen Johnson Sirleaf wa Liberiya

Perezida Ellen Johnson Sirleaf wa Liberiya

Liberiya izohimbaza imyaka 169 y’intahe y’ukwikukira ku musi wa kabiri. Bamwe mu Banyaliberiya bavuga ko ata kinini bafise c’uguhimbaza iyo myaka bamaze bikukiye kubera ibibazo bikomeye vy’ubutunzi.

Yamara ambasaderi wa Liberiya muri Reta Zunze Ubumwe za Amerika, Jeremiah Sulunteh, yatangaje naho hari ibibazo, igihugu cagize intambwe zikomeye ku ntwaro ya perezida Ellen Johnson Sirleaf.

Atangaza ko imigambi bafise yo mu mwaka wo mu mwaka w’i 2030 ari imigambi yo mu gihe kirekire y’ugukomeza intambwe bamaze gushikako mu nzira y’uguhindura igihugu.

Amenyesha kw’intambwe zose bamaze kugira muri iyo nzira zikwiye guhimbazwa. Ambasaderi Sulunteh, avuga ko nyinshi mu ntambwe zagizwe mu gikorwa ca Reta c’ugusubira gusanura ibikorwa remezo vyari vyasambuwe n’ingwano.

Sulunteh avuga yizeye ko azogira uruhara muri politike mu mwaka w’i 2017 igihe Liberiya izohitamwo uwuzosubirira perezida, Ellen Johnson Sirleaf.

Atangaza ko bamwe mu bakandida bavuganye nawe ku vyuko bashobora gukorana.

XS
SM
MD
LG