Uko wahagera

U Rwanda Rwibasiwe n'Ikibazo cy'Amapfa


Geraldine Mukeshimana, ministiri w'ubuhinzi n'ubworozi na Innoncent Musabyimana umunyamabanga uhoraho w'iyo ministeri.

Geraldine Mukeshimana, ministiri w'ubuhinzi n'ubworozi na Innoncent Musabyimana umunyamabanga uhoraho w'iyo ministeri.

Urwanda ruravuga ko rwiteguye gukomeza guhangana n'ikibazo cy'amapfa yayogoje ibice bitandukanye by'igihugu.

Mu kiganiro n'abanyamakuru, minisiteri y'ubuhinzi n'ubworozi mu Rwanda yavuze ko mu ngengo y'imari leta yateganyije miliyari hafi eshatu z'amafaranga yo gukomeza kugura ibiryo byo guha abibasiwe n'amapfa

Aya mapfa yatewe n'imihindagurikire y'ibihe mu Rwanda. Birasa nkaho uko iminsi igenda yicuma ari na ko ikibazo kirushaho gukomera.

Minisiteri y'ubuhinzi n'ubworozi mu gihembwe cy'ihinga A yabaruraga abaturage basaga 18,000 badafite ibiryo mu gihe mu gihembwe cy'ihinga B ibarura abakabakaba 50,000.

Ku kibazo cy'abasuhukira mu bihugu bituranyi bya Uganda na Tanzaniya, ubutegetsi bwabyamaganiye kure. Burashinja abanyamakuru gutangaza amakuru atarimo ukuri.

Ariko abanyamakuru batandukanye basuye ibice binyuranye bemeje ubutegetsi bw'i Kigali ko bafite amakuru yizewe kuri iyi ngingo

Nta ngamba zirambye mu gukemura ikibazo uretse kwifashisha gahunda yo kuhira imyaka Leta y'u Rwanda yemeza ko itaraba umuco w'abenegihugu.

XS
SM
MD
LG