Uko wahagera

Agahenge muri Siriya


Minisitiri w’ububanyi n’amahanga wa Leta zunze ubumwe z’Amerika, John Kerry, yakiriye neza agahenge ka Siriyas

Minisitiri w’ububanyi n’amahanga wa Leta zunze ubumwe z’Amerika, John Kerry, yakiriye neza agahenge ka Siriyas

Guverinoma ya Siriya yatangaje agahenge k’amasaha 72 mu gihugu hose guhera kuri uyu wagatatu.

Mu itangazo cyashyize ahagaragara, igisilikali cya Siriya ntigisobanura niba no kurwanya imitwe y’iterabwoba, nka Leta ya Kiyisilamu n’ishami rya al-Qaida ryitwa al-Nusra, nabyo bizahagarara muri iyi minsi itatu. Imitwe irwanya leta ya Perezida Bashar al-Assad nayo ntiratangaza niba izubahiriza aka gahenge.

Aho ari mu rugendo mu murwa mukuru wa Georgie Tbilissi, minisitiri w’ububanyi n’amahanga wa Leta zunze ubumwe z’Amerika, John Kerry, yakiriye neza agahenge ka Siriya. Yabwiye abanyamakuru, ati: “Ni byiza rwose kuko byorohereza abaturage kwizihiza umunsi mukuru wa Aid el-Fitr.”

Kerry yasobanuye kandi ko aka gahenge bakaganiriyeho mbere mu rwego rw’itsinda mpuzamahanga ryitaye ku ntambara yo muri Siriya, kayobowe n’Uburusiya na Leta zunze ubumwe z’Amerika bafatanije. Yasabye abarwana bose kubahiriza iri hagarika ry’imirwano.

Kugeza ubu, gushaka agahenge muri Siriya byagiye binanirana. Intambara imaze imyaka itanu. Imaze guhitana abantu barenga ibihumbi 280. Abandi amamiliyoni babaye impunzi.

XS
SM
MD
LG