Uko wahagera

Umutoza Mourinho Akomeje Kubaka Ikipi Ye


Henrikh Mkhitaryan wakiniraga ikipe ya Borussia Dortmund mu gihugu cy’Ubudage ubu yaguzwe na Manchester United

Henrikh Mkhitaryan wakiniraga ikipe ya Borussia Dortmund mu gihugu cy’Ubudage ubu yaguzwe na Manchester United

Umutoza mushya w’ikipe ya Manchester United yo mu cyiciro cya mbere mu Bwongereza Jose Mourinho akomeje kubaka ikipe yifuza ko yazatwara igikombe cya shampiyona itaha. Iyo kipe iheruka gutwara icyo gikombe mu mwaka wa 2013.

Kuri uyu wa gatatu iyo kipe yatangaje ko yaguze umunyarmeniya Henrikh Mkhitaryan wakiniraga ikipe ya Borussia Dortmund mu gihugu cy’Ubudage.

Uyu mukinyi w’imyaka 27, asanzwe akina hagati akaba yaratowe nkumukinyi witwaye neza kurusha abandi muri shampiyona y’Ubudage bita Bundesliga muri shampiyona ishize.

Ku rubuga rwa Manchester United, umutoza Mourinho yavuze ko ashimishijwe nuko Henrikh yahisemo ikipe ye. Mkhitaryan we yavuze ko akabije inzozi ze zo gukinira ikipe y’igihangage nka Manchester United kandi ifite amateka akomeye.

Mkhitaryan abaye umukinyi wa gatatu uguzwe n’umutoza Mourinho kuva uwo mutoza yagera muri Manchester United mu kwezi kwa gatanu, asimbuye Louis Van Gaal.

Abandi amaze kugura ni umunyasuwede Zlatan Ibrahimovic wakiniraga ikipe ya Paris Saint-Germain mu Bufaransa n’umuya Cote d’Ivoire Eric Bailly wakiniraga ikipe ya Villarreal mu gihugu cya Espagne.

XS
SM
MD
LG