Uko wahagera

MINUSMA Igiye Guhangana n'Iterabwoba


Abasirikare ba ONU Muri Mali

Abasirikare ba ONU Muri Mali

Inama ya ONU ijejwe umutekano yafashe icemezo co kwongereza abasirikare 2500 biyongera bu nteko za MINUSMA ziri mu gihugu ca Mali.

Mu nama yayo yo kuwa gatatu, iyo nama yahaye uburenganzira abasirikare ba ONU muri Mali gukurikirana imihari igira ibitero vy’iterabwoba.

Bihejwe abasirikare ba ONU bapfa muri Mali, bemeranije ko izo nteko zitorohewe.

Mur’iyo nteguro yashikirijwe n’Ubufaransa yongera yemezwa n’inama ya bose, ONU yashinze ko inteko za MONUSMA zigiye gufasha abasirikare ba reta guhangana n’imihari y’iterabwoba no kugarukana ubutegetsi mu gihugu.

Abasirikare ba ONU muri Mali bagiye gushika ku gitigiri c’ibihumbi 13 hamwe n’abapolisi 2000.

Gushik’ubu, abasirikare ba ONU bamaze gupfa muri Mali bashika kuri 68, igitigiri kitari bwigere gishika kuva ONU itanguye kurungika abasirikare bayo gucungera umutekano kw’isi.

XS
SM
MD
LG