Uko wahagera

Pakisitani Irirukana Impunzi z'Abanyafuganisitani


Imyuzure yibasiye akarere ka Khyber-Pakhtunkhwa mu bihe byashize.
Imyuzure yibasiye akarere ka Khyber-Pakhtunkhwa mu bihe byashize.

Polise ya Pakisitani irahiga impunzi z’abanyanyafuganisitani. Muri ibi byumweru bishize polise yarundanyije impunzi zibarirwa mu magana kandi zasubijwe muri Afuganisitani. Cyakora abategetsi bavuga ko uwo mukwabu utareba abanyafuganisitani bafite ibyangombwa by’impunzi, kandi batazirukanwa mu gihugu.

Izo mpunzi zafatiwe ahanini mu ntara ya Khyber-Pakhtunkhwa k’umupaka w’amajyaruguru ashyira uburengerazuba. Ni intara icumbikiye inyinshi mu mpunzi z’abanyafuganisitani ziyandikishije, zibarirwa muri miliyoni imwe n’igice.

Izo ziyongera ku mubare utari muto w’izihatuye mu buryo butemewe n’amategeko nk’uko ishami rya ONU ryita ku mpunzi HCR ribivuga. Abenshi muri abo bahunze batinya kuba bakwicwa, abandi bahagiye bahunga ubushyamirane bw’abitwaje intwaro muri Afuganisitani.

Uwo mukwabu uhuriranye n’intambwe zari zatewe na Pakistani yahamagariye umuryango mpuzamahanga, gufasha gucyura impunzi zo muri Afuganisitani. Ni umukwabo kandi ubaye mu gihe umubano hagati ya Pakisitani na Afuganisitani warushijeho kuba nabi, biturutse ku mwuka mubi ushingiye ku mupaka.

XS
SM
MD
LG