Uko wahagera

Uruhagarara ruvuye ku ngingo y’igihugu c’Ubwongereza yo kuva mw’ishirahamwe rya Bulaya rwabandanije uyu musi ku wa mbere. Abategetsi bo mu Bwongereza bariko bararaba ukuntu bokwiyunganya inyuma y’aho abanyagihugu batoreye iyo ngingo.

Mu mugambi wo kuraba ukuntu amasoko y’imitahe atobandanya kuyanzara, umushikiranganji w'Ubwongereza ajejwe ikigega George Osborne, uyu musi yasiguye ko ubutunzi bwifashe neza.

Ubwo butumwa, bwasubiwemwo kandi n’umushikiranganji wa mbere, David Cameron, igihe yashikiriza ijambo inama nshingamateka, ubwa mbere kuva aho iyo ngingo itorewe.

Uyu musi ku wa mbere kandi niho sekreteri wa reta ya Amerika, John Kerry yashika I Londres mu Bwongereza.

XS
SM
MD
LG