Uko wahagera

ZAMBIYA: Amashyaka Atitwaye Neza Yakurwa mu Matora


FILE - Polling station workers are seen guarding ballot boxes following presidential elections in Lusaka, Zambia, Jan. 21, 2015.

FILE - Polling station workers are seen guarding ballot boxes following presidential elections in Lusaka, Zambia, Jan. 21, 2015.

Komisiyo y’amatora ya Zambiya (ECZ) mu magambo ahinnye yaburiye amashyaka ya politiki n’abayashyigikiye kwirinda urugomo mu gihe ibikorwa byo kwiyamamaza by’amashyaka yabo birimbanyije bitegura amatora ya perezida, ay’abadepite n’ay’inzego zibanze azaba ku italiki ya 11 y’ukwezi kwa munani.

Chris Akufuna, umuvugizi wa komisiyo y’amatora, avuga ko itegekonshinga riha ububasha itsinda rishinzwe amatora bwo guhagarika cyangwa kubuza ishyaka rya politiki kimwe n’umukandida, kugira uruhare mu matora igihe iryo tsinda ryabona ko abayoboke b’ishyaka bari mu bikorwa by’urugomo berekeza ku matora.

Hari ukwitana bamwana hagati y’abayoboke b’ishyaka riri k’ubutegetsi Patriotic Front (PF n’ab’ishyaka rinini ritavuga rumwe n’ubutegetsi United Party for National Development (UPND).

Akufuna avuga ko komisiyo y’amatora yabonye ukutihanganirana n’urugomo bifata intera; akaba ariyo mpamvu yamaganye iyo myitwarire mibi. Ni nayo mpamvu komisiyo yibukije amashyaka ya politiki ko agombwa kwitwara mu mutuzo mu gihe cyo kwiyamamaza.

Ibyo batabyubahilije komisiyo iziyambaza ububasha ihabwa n’itegeko rireba amatora riyemerera guhagarika ibikorwa byo kwiyamamaza cyangwa gukura umukandida mu matora.

XS
SM
MD
LG