Uko wahagera

Isi Yose Ifashe Amerika mu Mugongo


Uretse abantu 50 bishwe, abandi 53 bakomerekejwe n’amasasu ku nzu yo kwidagaduriramo mu nujyi wa Orlando muri leta ya Florida.

Amasengesho n’ubutumwa bwo kwifatanya mu kababaro buraza ari bwinshi buturutse mu mpande zose z’isi mu gihe amakuru y’ubwicanyi bw’agahomamunwa mu mateka ya Leta zunze ubumwe z’Amerika akomeza gukwirakwira.

Nk’uwahoze ari perezida wa Afuganisitani Hamid Karzai yabwiye serivise ya Afghan y’ijwi ry’Amerika ati: “Umubabaro w’abanyamerika ndawumva neza rwose kuri iyi saha. Twe abanyafuganisitani twarababaye igihe kirekire na buri munsi bitututse ku masasu n’ubwicanyi.”

Chanceliere w’Ubudage Angela Merkel kuri uyu wa mbere taliki 13 ukwezi kwa 6 umwaka wa 2016 nawe yagize ati:”Igikomangoma Philip najye twatangajwe kandi tubabazwa n’ibyabereye Orlando. Mu bitekerezo no mu masengesho twifatanije n’abo byakozeho."

Ahandi naho, ibiro ntaramakuru the Holy See byasohoye itangazo rigira riti: “Papa Faransisiko yifatanije mu masengesho no mu mubabaro n’imiryango yabuze abayo n’iy’abakomeretse”. Mu kwifatanya mu gahinda katagira urugero turabasabira ku mana ngo ibahe imbaraga zo kwihangana kandi ibahoze amarira.”

Itangazo ry’ibiro bya perezida w’Ubufaransa rivuga ko Francois Hollande “yamaganye yivuye inyuma ubwianyi bwo muri leta ya Florida kandi yumvikanishije ko ubufaransa n’abafaransa bashyigikiye abategetsi b’Amerika n’abaturage b’iki gihugu mu bihe bikomeye barimo."

Minisititi w’intebe wa Palesitina Rami Hamdallah, yavuze ko ubwicanyi ku bantu ikivunge “ari ikikorwa kidafite ishingiro cy’iterabwoba n’urwango." Yongeyeho ati Abanyepalestina bifatanije n’Abanyamerika muri ibi bihe bikomeye."

Abandi bohereje ubutumwa barimo minisititi w’intebe wa Isiraheli Benjamin Netanyahu, prezida w’ubushinwa Xi Jinping watelefonye perezida Obama, minisitiri w’intebe w’ubuyapani Shinzo Abe, minisitiri w’intebe wa Australia Malcolm Turnbull, uwa Malyasia Najib Razak, uw’ubutaliyani Matteo Renzi n’uwa Canada Justin Trudeau. Bose bagaragaje ko babajwe n’ubwicanyi ko bifatanyije n’abanyamerika kandi ko ibikorwa ry’iterabwoba n’ubwicanyi ku nzira karengane atari ibyo kwihanganirwa.

XS
SM
MD
LG