Uko wahagera

Muhammad Ali Yaherekejwe n'Isinzi ry'Abantu


Ibihumbi n’ibihumbi baririmbaga izina rya Muhammad Ali ku mihanda, ubwo isanduka ye yanyuzwaga mu mujyi wa Louisville avukamo.

Ibihumbi n’ibihumbi baririmbaga izina rya Muhammad Ali ku mihanda, ubwo isanduka ye yanyuzwaga mu mujyi wa Louisville avukamo.

Lonnie Ali umufasha wa nyakwigendera Muhammad Ali na Bill Clinton wigeze kuyobora Leta zunze ubumwe z’Amerika ni bamwe mu bashimagije ubutwari bwa Ali wabaye igihagange mu mukino w’iteramakofe, mu mihango yo kumuherekeza bwa nyuma mu mujyi wa Louisville uri muri leta ya Kentucky.

Uwo muhango wabereye ku kibuga cy’imikino, wari witabiriwe n’abantu barenga ibihumbi cumi na bitanu.

Hari n’abandi ibihumbi n’ibihumbi baririmbaga izina rya Ali ku mihanda, ubwo isanduka ya Ali yanyuzwaga mu mujyi wa Louisville avukamo.

Umufasha wa nyakigendera yasobanuye urukungo umugabo we yari afitiye idini rya Islam. Lonnie yavuze ko Muhammad Ali yifuje ko imihango yo kumuherekeza waba umwanya wo kwibutsa amahame y’ubworoherane no guharanira guca akarengane.

Muhammad Ali, yitabye Imana ku musi wa gatanu w’icyumweru gishize afite imyaka 74.

Abari baherekeje isanduku irimwo umubiri wa Ali barimo ibihangange mu mukino w’iteramakofe barimo Lennox Lewis na Mike Tyson hari kandi na Will Smith, umukinyi wa cinema.

Muhamad Ali yavutse mu mwaka wa 1942 akaba yaratangiye gukina umukino w’iteramakofe afite imyaka 12.

XS
SM
MD
LG