Uko wahagera

Mohamed Ali Yatabarutse


Umuteramakofe w’icyamamare cyane wo muri Leta zunze ubumwe z’Amerika Mohamed Ali yaraye yitabye Imana. Yari afite imyaka 74 y’amavuko. Yari amaze imyaka 30 arwaye indwara ya Parkinson.

Mohamed Ali yamenyekanye bwa mbere ku isi atwaye umudari wa zahabu mu mikinoi olempiki y’i Roma mu 1960 mu rwego rw’abaremereye. Icyo gihe yitwaga Cassius Clay (amazina ya se na nyina). Yari afite imyaka 18 gusa. Yahinduye amazina yinjiye idini ry’Abayisilamu afite imyaka 22. Nyuma, mu bakinnyi babigize umwuga, mu mikino 61 yakinnye yatsinze inshuro 56, 37 muri zo umukino utarangiye (KO). Umwe muri iyi mikino ye yabaye igitangaza ni uwo yatsindiye ikindi gihangange George Foreman (nawe wo muri Leta zunze ubumwe z’Amerika). Yatsinzwe inshuro eshanu gusa.

Usibye kuba igihangange mu mikino, Mohamed Ali yabaye icyamamare no mu rwego rwo kurwanya akarengane. Urugero: yanze kujya kurwana muri Vietnam. Yavuze ijambo ritazibagirana, ati: “Simbona impamvu najye kurasa inzirakarenga, abantu nta n’umwe muri bo wigeze anyita “nigger,” igitutsi kibi cyane Abazungu batukaga Abirabura muri Leta zunze ubumwe z’Amerika.

Perezida Obama yashyize itangazo hanze, ati: “Mohamed Ali yajegeje isi arwanya amafuti none ubu turiho neza.” Mu mujyi Louisville muri leta ya Kentucky Mohamed Ali avukamo, amabendera yururukijwe, bamwunamira. Rutikanga Ferdinand, watangije umukino w’iteramakofe mu Rwanda, nawe ari mu cyunamo. Umva

XS
SM
MD
LG