Uko wahagera

Ikipe ya Real Madrid imaze gutsindira tike yo gukina umukino wa nyuma w’igikombe cy’amakipe yabaye aya mbere iwabo ku mugabane w’Ubulayi bita "Champions League".

Real Madrid ibigezeho nyuma yo gutsinda Manchester City yo mu Bwongereza igitego 1-0 mu mukino wa kabili. Ni ku nshuro ya 11 Real Madrid yo muri Espagne igeze ku mukino wa nyuma.

Uwo mukino wa nyuma uzahuza Real na Atletico Madrid nayo yo muri Espagne yakuyemo Bayern Munich yo mu Budage kuri uyu wa kabili. Ayo makipe na none mu mwaka wa 2014 yari yahuye mu mukino wa nyuma watsinzwe na Real Madrid mu minota y’inyongera.

Biteganyijwe ko umukino wa nyuma uzakinirwa ku kibuga cy'ikipe ya AC Milan cyitwa San Siro kiri mu mujyi wa Milan mu Butaliyani tariki ya 28 z’uku kwezi kwa gatanu.

Igitego rukumbi mu mukino wahuje Real Madrid na Manchester City cyabonetse ku munota wa 20.

XS
SM
MD
LG