Uko wahagera

USA: Abarepubulikani Basigaranye Donald Trump


Amatora yo muri Leta zunze ubumwe z’Amerika yafashe isura nshya. Nyuma yo gusezera kwa Senateri Ted Cruz n'ukwa guverineri John Kasick, bamaze gutsindwa muri leta ya Indiana, ishyaka ry’Abarepubulikani risigayemo umukandida umwe: umuherwe Donald Trump.

Uwari uwa kabili mu majwi, Senateri Ted Cruz, yaraye asezeye amaze gutsindwa nabi cyane amajonjora yabaye ejo kuwa kabili muri leta ya Indiana. Guverineri John Kasich ariko nta mahirwe yo kuba yatsinda yari afite. Kugeza ubu, Trump amurusha inshuro esheshatu zirenga umubare w’intumwa bita Delegates bamuri inyuma.

Muri iri shyaka ry’Abarepubulikani, amatora y’amajonjora asigaye ateganijwe muri leta icyenda. Azarangira ku italiki ya 7 y’ukwa gatandatu gutaha.

Mu ishyaka ry’Abademokarate, abakandida baracyari babili, Hillary Clinton, na Senateri Bernie Sanders. Hillary Clinton ni we ufite amahirwe menshi cyane kumurusha. Clinton asigaje kubona umubare w’intumwa 181 gusa kugirango abe burundu kandida w’ishyaka. Kugira ngo Sanders abigereho, aracyakeneye intumwa zirenga 980.

Amajonjora yo mu Bademokarate azarangira ku italiki ya 14 y’ukwa gatandatu gutaha. Asigaye ateganijwe muri leta icyenda n’umurwa mukuru wa Leta zunze ubumwe z’Amerika, Washington D.C

XS
SM
MD
LG