Uko wahagera

Kenya: Inama yo Kurengera Inzovu


Inzovu ni ikimenyetso kiranga Afurika cyakora kuzihiga bimaze gufata intera mu mpande zose z’uwo mugabane. Ni ikibazo gikomeye cyugarije imibereho yazo. Hagati y’umwaka w’2010 n’ibihumbi 2012 inzovu ibihumbi 100 zarishwe muri Afurika.

Cyakora abarengera inyamaswa zo mu ishyamba barasa n’abafite icyizere ko ibi bizahinduka nyuma y’inama ikomeye yabereye muri Kenya. Muri iyo nama abaperezida barimo uwa Kenya, uwa Uganda n’uwa Gabon, barahiriye gushyigikira abarengera ubuzima bw’inzovu muri Afurika.

Iain Douglas-Hamiliton washinzwe fondasiyo yo kurengera inzovu mu cyongereza bita “Save the Elephants” avuga ko ubwitange buhanitse ari ikintu gikomeye mu guhagarika ihigwa ry’inzovu.

Yaragize ati: “Nta gushidikanya ko ibyemezo byinshi muri Afurika bifatirwa ku rwego rw’abakuru b’ibihugu. Igihe abaperezida bataba bashyigikiye igikorwa runaka, ntacy cyageraho”.

Inama y’abakuru b’ibihugu y’iminsi itatu yateguwe n’itsinda ririnda inzovu hamwe n’abategetsi bashinzwe inyamaswa zo mu ishyamba, abadipolomate n’abantu by’ibyamamare. Bari bagamije gushaka uburyo inzovu zitakomeza kwicwa. Intego ni ukurengera 50 ku ijana by’inyamaswa n’ibyanya byazo mbere y’umwaka wa 2020.

Abaterankunga barahiriye gutanga izindi miliyoni 5 z’amadolari yo kurinda inyamaswa muri Kenya, Gabon, Uganda na Botswana. Ayo mafaranga azakoreshwa mu kwongera abarinda izo nyamaswa, kuvurura tekinoloji no kwongerera ubushobozi mu byerekeye amategeko. Azakoreshwa kanei mu kwubaka inzitiro no gushyiraho ikigega cyo kurinda akarere izo nyamaswa zirimo.

XS
SM
MD
LG