Amakipi abiri y'ibihangange ku mugabane w'Uburayi, Manchester City na Real Madrid yanganije 0-0 muri kimwe cya kabiri cy'irushanwa ry'amakipi yatwaye ibikombe iwabo.
Uwo mukino wa mbere wahuje Manchester City yo mu bwongereza na real Madrid yo muri Espagne wabaye hatarimo Rutahizamu wa Real Madrid Cristiano Ronaldo ndetse na Yaya Toure wa Manchester City, ukina hagati mu kibuga.
Umukino wa kabiri wo uzabera muri Espagne kuwa gatatu tariki ya kane y'ukwezi kwa gatanu 2016. Ni bwo hazamenyekana ikipi ya mbere izakina umukino wa nyuma.
Umukino w'igikombe cy'amakipi yatwaye ibikombe iwayo mu Burayi uteganjwe tariki ya 28 y'ukwezi kwa gatanu mu mujyi wa Milan mu Butaliyani.