Uko wahagera

Rwanda: Abanyamakuru Bakorana Bate n'Abapolisi?


Abanyamakuru bo mu Rwanda bari mu mahugurwa n'igipolisi cy'u Rwanda azamara iminsi itatu. Ni amahugurwa yibanda ku kureba uburyo umutekano w'abanyamakuru warushaho kurindwa mu kazi kabo no kureba uburyo bwo unoza imikoranire y'inzego zombi.Mu bihe bitandukanye hagiye humvikana ihohoterwa ry'abanyamakuru bikozwe n'igipolisi cy'u Rwanda

Umuvugizi w'igipolisi cy'u Rwanda ACP Celestin Twahirwa yatangaje ko ibiganiro hagati ya polisi n'itngazamakuru bizafasha impande zombi mu kugaragaza ibitagenda bigakosorwa.

Abanyamakuru baganiriye n'Ijwi ry'Amerika bavuga ko ari igihe cyiza ku bapolisi ngo bamenye uburenganzira bw'umunyamakuru n'akamaro afitiye umuryango abarizwamo.

Icyegeranyo cy'umuryango w'abanyamakuru batagira umupaka/Reporters sans Frontieres cyasohotse kuri uyu wa kabiri gishyira u Rwanda ku mwanya wa 161 ku Isi mu bihugu biniga ubwisanzure bw'itangazamakuru.

Kuba igipolisi gishyirwa ku isonga mu kubangamira ubwisanzure bw'itangazamakuru cyafashe iya mbere mu kuganira n'abarikora, byazafatwa nk'intambwe nziza kuri Leta y' u Rwanda igihe ibyo baganira byabyara umusaruro.

XS
SM
MD
LG