Uko wahagera

Abarenga 30 Baguye Mu Bitero I Kabul


Bamwe mu bakomerekeye mu bitero i Kabul

Bamwe mu bakomerekeye mu bitero i Kabul

I Kabul umurwa mukuru w’igihugu cy’Afghanistan haravugwa urupfu rw’abantu 30 baguye mu gitero cy’igisasu cyatezwe n’umwiyahuzi w’umutaliban. Abagera kuri 327 bakomeretse bikomeye.

Uwo mwiyahuzi yiturikije imbere y’inyubako ikoreramo itsinda ry’abasilikale bakorana n’ikigo gishinzwe ubutasi mu gihugu. Abo basirikale ni nabo bashinzwe kurinda umutekano w’abayobozi.

Umuvugizi wa ministei y’umutekano mu gihugu Sediq Siddiqi yabwiye abanyamakuru ko icyo gisasi cyapimaga ibiro biri mu Magana. Yavuze ko iperereza ku mubare w’abagize uruhare muri icyo gitero nabaribo rikomeje.

Nyuma y’icyo gitero habaye imirwano ikaze hagati y’abagize inzego z’umutekano nibyo byihebe. Iyo mirwano yafashe umwanya utari muto yarangiye benshi muri ibyo byihebe bishwe.

Umukuru w’igihugu Ashraf Ghani yamaganye ibyo bitero aho yagaye cyane ababigabye.

Umuvugizi w’umutwe waba Talibani Zabihullah Mujahid yemeye ko uwo mutwe ari wo wagabye ibyo bitero. Mu itangazo rigenewe abanyamakuru, Mujahid yavuze ko ibyo bitero byari bigamije kwibasira ibiro bishinzwe ubutasi mu gihugu.

XS
SM
MD
LG