Ibihugu vyo mu muryango wa Bulaya vyemeye gufasha umurwi wo kunywanisha Abarundi, ariko biwusaba kwigenga, na cane cane kwirinda gukoreshwa n'abanyepolitike.
Ivyo ni ivyemerejwe mu nama yahuhe abagize uwo murwi, CVR, n'abatera nkunga kur’uyu wa kane i Bujumbura mu Burundi.
Ikindi abafasha uyo mugwi bawusavye, n'uko hategerezwa kujaho umurwi w'abahinga, uzokwerekana ukuntu amafaranga azokoreshwa.
Mu kiringo c'imyaka itatu ibikorwa vyawo bizomara, ukeneye imilioni zirenga 34 z'ama dollars y'abanyamerika.
Mushobora kwumviriza inkuru y'umumenyeshamakuru w'Ijwi ry'Amerika Eloge Willy Kaneza.
