Uko wahagera

Ladislas Ntaganzwa Mu Rukiko Rwisumbuye


Ladislas Ntaganzwa

Ladislas Ntaganzwa

Urukiko rwisumbuye rwa Nyarugenge kuri uyu wa gatatu rwumvise ubujurire bwa Ladislas Ntaganzwa uregwa ibyaha bya jenoside n'ibyibasiye inyokomuntu muri 1994.

Ntaganzwa yajuririye icyemezo cy'umucamanza wa mbere cyo kumufunga by'agateganyo mu gihe cy'iminsi 30. Yabwiye umucamanza ko uwafashe icyo cyemezo atari abifitiye ububasha kandi ko yagifashe nta mategeko ashingiyeho.

Umwunganizi we mu mategeko Laurent Bugabo yasabye ko icyemezo cya mbere cyateshwa agaciro.

Ubushinjacyaha bwo buvuga ko umucamanza wategetse ko uregwa yaba afunzwe by'agateganyo abifiteye ububasha. Busaba ko cyahama uko kiri.

Ntaganzwa w'imyaka 54 y'amavuko yatawe muri yombi mu mpera za 2015 muri Repubulika Iharanira Demokarasi ya Kongo agezwa mu Rwanda mu kwezi kwa gatatu uyu mwaka.

Areregwa ibyaha bya Jenoside n'ibyibasiye inyokomuntu akekwaho ko yakoreye mu cyahoze ari Komini ya Nyakizu muri Perefegitura ya Butare. Ni ibyaha yifashe ntiyagira icyo abivugaho.

Leta zunze ubumwe za Amerika yashimye itabwa muri yombi rye no kuba azaburanishirizwa mu nkiko z'u Rwanda

XS
SM
MD
LG