Uko wahagera

Dr Niyitegeka Arega Umuyobozi wa Gereza


Dr Theoneste Niyitegeka

Dr Theoneste Niyitegeka

Kuri uyu wa gatatu, urukiko rw'ibanze rwa Busasamana mu karere ka Nyanza rwaburanishije urubanza Dr Theoneste Niyitegeka aregamo umuyobozi wa Nyanza kumufunga binyuranyije n'amategeko.

Muganga Niyitegeka washakaga kwiyamamariza umwanya w'umukuru w'igihugu mu Rwanda mu mwaka wa 2003 yasabye umucamanza gushishoza ashingiye ku mategeko akamufungura.

Inkiko gacaca za Nyamabuye mu karere ka Muhanga zamuhamije icyaha cy'ubufatanyacyaha mu bwicanyi bwa jenoside. Afunzwe kuva mu 2008. Ariko avuga ko yahamijwe ibyaha bishingiye ku mpamvu za politiki

Umuyobozi wa gereza ya Nyanza Innocent Iyaburunga uregwa muri uru rubanza avuga ko ari kuburana urubanza yita urw'amaherere rudafite ishingiro. Yasabye ko Dr Niyitegeka igihe yaramuka atsinzwe yakwishyura ihazabu ya miliyoni ebyiri n'ibihumbi ijana mu mafaranga y'u Rwanda.

Ni gake cyane mu Rwanda abafungwa baregera iyi ngingo yo gufungwa bitubahirije amategeko.

Mu ntangiriro z'umwaka wa 2015 habarurwaga abari hejuru y'ibihumbi birindwi bafungiwe mu magereza yo mu Rwanda mu buryo buhabanye n'amategeko.

Mu minsi ishize ubutegetsi bw' u Rwanda bwavuze ko butagifunga abantu mu buryo bunyuranyije n'amategeko.

Amategeko mashya u Rwanda rugenderaho ateganya ko uwo bigaragaye ko afunzwe bitemewe n'amategeko, umufunze agomba kubyirengera ku giti cye

XS
SM
MD
LG