Uko wahagera

Sudani Ishobora Gufunga Imipaka na Sudani y'Epfo


Omar Al Bashir, Perezida wa sudani

Omar Al Bashir, Perezida wa sudani

Sudani ishobora gufunga imipaka yayo na Sudani y’Epfo no kwirukana abanyeshuli ba Sudani y’Epfo barenga ibihumbi 300 bigayo.

Biraterwa n’uko Sudani y’Epfo yaba itera inkunga inyeshyamba zirwanya leta ya Perezida Omar Al Bashir mu ntara za Kordofan y’Epfo na Blue Nile, ibirego byatangajwe n’umujyanama mukuru wa Perezida Omar Al Bashir witwa Ibrahim Mohamud Hamid.

Minisitiri w’ububanyi n’amahanga wa Sudani y’Epfo, Barnaba Marial Benjamin, yateye utwatsi ibyo birego, mu kiganiro yahaye Ijwi ry’Amerika.

Hashize imyaka ine ibihugu byombi bigiranye amasezerano y’uko nta na kimwe kigomba gutera inkunga inyeshyamba z’ikindi. Nyamara mu mwaka ushize minisitiri Marial nawe yareze Sudani ya ruguru gutera inkunga inyeshyamba za Riek Machar, warwanaga na guverinoma ya Sudani y’Epfo.

XS
SM
MD
LG