Uko wahagera

Angola: Perezida dos Santos Asezeye Politiki!


Perezida wa Angola Jose Eduardo dos Santos.

Perezida wa Angola Jose Eduardo dos Santos.

Perezida wa Angola Jose Eduardo dos Santos umwe mu bayobozi bamaze igihe ku butegetsi muri Afurika, yavuze ko azava muri politiki mu mwaka wa 2018 manda irangiye. Ni mu ijambo yagejeje ku bayobozi b’ishyaka riri ku butegetsi MPLA, mu murwa mukuru Luanda ku italiki ya 11 y’ukwezi kwa 3 umwaka wa 2016.

Dos Santos uyobora Angola kuva mu mwaka w’1979 mbere yari yarumvikanishije ko azafata ikuruhuko cy’izabukuru, ariko yakomeje kuguma ku mwanya wa perezida.

Umuvugizi w’ishyaka ritavuga rumwe n’ubutegetsi UNITA, yavuze ko k’ubwiryo shyaka, ibyo gutanga ubutegetsi kwa dos Santos bazabibara babibonye.

Perezida dos Santos w'imyaka 73 ari hafi kurangiza manda y’imyaka itanu yatangiye mu kwezi kwa munani mu 2012. Ni uwa kabiri mu baperezida bamaze igihe kirekire ku butegetsi, nyuma ya perezida Teodoro Obiang Nguema wa Gineya Ekwatoriyali.

Ku buyobozi bwa dos Santos, Angola yabaye igihugu cya kabiri mu bicukura ibitoro byinshi muri Afurika kandi yagize umutekano nyuma y’intambara yamaze imyaka 27. Cyakora abamunenga bamurega kuba yarigwijeho umutungo akoresheje ibitoro, mu kwikungahaza, we n’incuti ze hamwe n’umuryango we, mu gihe yarekeye abenshi mu banyangola mu bukene.

XS
SM
MD
LG