Uko wahagera

Abarundi Barenga 250,000 Barahunze


Tents stretch out in all directions at the Mahama refugee camp in Rwanda.

Tents stretch out in all directions at the Mahama refugee camp in Rwanda.

Ishami ry’Umuryango w’Abibumbye ryita ku mpunzi HCR riratangaza ko umubare w’Abarundi bahunga igihugu cyabo umaze kurenga 250,000. Ibi byemejwe na Melissa Fleming, umuvugizi w’iryo shami mu kiganiro yagiranye n’abanyamakuru I Geneve mu Busuwisi.

Uwo muvugizi avuga ko ibibazo bikomeje mu Burundi birimo umutekano muke no kutubahiriza uburenganzira bwa muntu aribyo ntandaro y’ubwiyongere bw'impunzi.

Fleming avuga ko impunzi 1,000 zihungira mu gihugu cya Tanzaniya nibura buri cyumweru, 500 Muri Uganda, 230 mu Rwanda naho abagera kuri 200 bagahungira muri Repubulika Iharanira Demokarasi ya Kongo.

HCR ivuga ko ikeneye nibura miliyoni 175 z’amadolari kugirango ishobore kwita ku mpunzi z’Abarundi zahungiye mu bihugu bihana imbibe n’Uburundi. Kugeza ubu iri shami rivuga ko rimaze kubona miliyoni ennye gusa, bivuze gatatu kw’ijana ry’amafaranga yose akenewe.

Igihugu cya Tanzaniya n’icyo kiza ku mwanywa wa mbere w’ibihugu byakiriye impunzi nyinshi z’Abarundi. Tanzaniya imaze kwakira impunzi 131,834, U Rwanda rwakiriye 73,926, Uganda ifite 22,330, Kongo yakiriye 21,186 naho Zambiya icumbikiye 1,197.

XS
SM
MD
LG