Uko wahagera

Muri Leta zunze ubumwe z’Amerika, amatora y’amajonjora mu baharanira gutegeka igihugu azakomeza ejo muri leta 13 zose icyarimwe mu cyo bita "Super Tuesday". Ugereranije ni nko kuvuga “Uwa kabiri wa Rurangiza.”

Mu ishyaka ry’Abademokarate, abakandida ni babiri gusa: Hillary Clinton na Senator Bernie Sanders. Naho mu ishyaka ry’Abarepubulikani, abakandida baracyari batanu bagihatanye.

Abo barimo umuherwe Donald Trump kandi ni we ugihabwa amahirwe menshi. Harimo kandi Senateri Ted Cruz ukomoka muri leta ya Taxas, Senateri Marco Rubio ukomoka muri leta ya Florida, Guverineri John Kasick wa leta ya Ohio na Dr. Ben Carson.

Leta ziberamo amatora kuri uyu wa kabiri ni Alabama, Arkansas, Colorado, Georgia, Massachusetts, Minnesota, Oklahoma, Tennessee, Texas, Vermont, Virginia, Alaska na Wyoming. Abademokarate bo barongeraho n’intara y’ikirwa cya Samoa igengwa na Leta zunze ubumwe z’Amerika, ndetse n’abayoboke babo baba ahandi hose mu mahanga.

Muri rusange, mw'ishyaka ry'abademokrate barahatanira intumwa 880, naho mu barepubulikari intumwa zihatanirwa ni 595.

XS
SM
MD
LG