Uko wahagera

Hillary Clinton Atsinze Leta ya Karolina y'Epfo


Hillary Clinton, umukandida w'ishyaka ryabademocrate

Hillary Clinton, umukandida w'ishyaka ryabademocrate

Hillary Clinton, umukandida w’ishyaka ryabademokarate muri leta zunze ubumwe z’Amerika yatsinze amatora y’ibanze yo mu ntara ya Karolina y’Epfo yo guhitamo umukandida ku mwanya w’umukuru w’igihugu mu matora ateganyijwe mu mpera z’uyu mwaka wa 2016.

Ibitangazamakuru bitandukanye byemeje ko uyu mu kandida wigeze kuba ministiri w’ububanyi n’amahanga yatsinze nyuma yo kuvugana na bantu batandukanye ubwo babaga bavuye mu cyumba cy’itora yabaye kuri uyu wa gatandatu, muri iyi ntara yo mu majyepfo y’igihugu ituwemo abirabura benshi.

Karolina y’Epfo ibaye leta ya gatatu umufasha w’uwahoze ayobora Amerika Bill Clinton atsinze muri aya matora ya za leta, nyuma ya Iowa na Nevada. Uwo bahanganye Senateri Bernie Sanders amaze gutsinda leta imwe ya New Hampshire.

Kuri uyu wa kabili utaha nibwo biteganyijwe ko hazaba amatora muri za leta nyinshi z’Amerika, bakunze kwita “Super Tuesday”. Leta 11 nizo biteganyijwe ko zizatora kuri uwo munsi.

Hagati aho mu ishyaka ryabarepubulike, hakomeje kumvikana umwaka utari mwiza uvanze n’ibitutsi hagati yabakandida bahanganye muri iryo shyaka barimo umuherwe Donald Trump ukomeje kuza kw’isonga na Senateri Marco Rubio.

Trump niwe ukomeje guhabwa amahirwe menshi yo kuzegukana itike yo kuzahagararira ishyaka ryabarepubulike riheruka ku butegetsi igihe cya Geoirge Walker Bush.

XS
SM
MD
LG