Uko wahagera

HRW: Reta ya Etiyopiya Isabwa Guhagarika Ubwicnayi


Akarere ka Oromia muri Etiyopiya

Akarere ka Oromia muri Etiyopiya

Ishirahamwe riharanira agateka kazina muntu wo muri Amerika Human Rights Watch rimenyesha ko reta ya Etiyopiya iriko ikoresha inguvu mu kuburizamwo imyigaragamvyo ibera mu ntara ya Oromia naho abategetsi bo bemeza ko ibintu vyifashe neza.

Raporo iheruka gutangwa n’abatavugarumwe na reta ya Etiyopiya hamwe n’ayandi mashirahamwe ahanira agateka ka muntu amenyesha ko abantu barenga amajana abiri bamaze kwicwa kuva italiki cumi na zibiri z’ukwezi kwa cumi na kumwe. Abaharurwa mu bihumbi nabo bamaze gutabwa mu mvuto.

Iyo myigaragamvyo imaze amezi ane iriko ibera mu ntara ya Oromia yatanguye mugihe abanyagihugu bo mur’ako gace biyamiriza umugambi wa reta wo kwagura imbibe z’umugwa mukuru Addis-Abeba mu ntumbero kugwiza imigambi y’iterambere. Umugambi abanyagihugu biyamirije bavuga ko uzotuma batakaza amatongo yabo.

Human Right Watch imenyesha ko naho reta yavuze ko yahagaritse uwo mugambi, abanyagihugu babandanya bicwa n’inzego z’umutekano.

XS
SM
MD
LG