Uko wahagera

Rwanda: Yishwe Akekwaho Gukorera ISIS


Umuyobozi w'Umuryango w'Abayisiramu mu Rwanda, Mfuti Kayitare Ibrahim amaze gutangariza Ijwi ry'Amerika ko umuryango ayobora witandukanije n'ibikorwa by'iterabwoba byari bikurikiranweho Muhammad Mugemangango. Uyu yari Imam wungirije w’umusigiti wa Kimironko mu mujyi wa Kigali.

Polisi y'igihugu y'u Rwanda yari imaze iminsi ikora iperereza kuri Imam Mugemangango akekwaho gushora urubyiruko rw’Abanyarwanda mu bikorwa bya Jihad no gushaka kubajyana kurwanira umutwe wa "Etat Islamique" muri Siriya.

Abashinzwe umutekano mu Rwanda bamurashe ku mugoroba wo ku cyumweru tariki ya 24 y'ukwezi kwa mbere 2016.

Umunyamakuru w'Ijwi ry'Amerika I Kigali mu Rwanda Assumpta Kaboyi ni we utugezaho iyi nkuru.




XS
SM
MD
LG