Uko wahagera

Uganda: Amerika Isaba ko Amatora Aba mu Bwisanzure


Patrick Amama Mbabazi, Umukandida ku mwanya wa Perezida muri Uganda
Patrick Amama Mbabazi, Umukandida ku mwanya wa Perezida muri Uganda

Leta zunze ubumwe z’Amerika iratangaza ko icyuka kibi mu gikomeje kugaragara mu mitegurire y’amatora y’umukuru w’igihugu muri Uganda, kandi ko ibintu bikomeza kumera nabi. Ayo matora ateganyijwe kw'itariki ya 18 y'ukwezi kwa kabiri mu 2016.

Itangazo ryasohowe na ministeri y’ububanyi n’amahanga y'Amerika rivuga ko inzego z’umutekano zikomeje gukoresha ingufu z’ikirenga ndetse zikanabangamira ibikorwa byo kwiyamamaza kw’abatavuga rumwe na leta, gushira iterabwoba no gufunga abanyamakuru. Ibyo byose ngo bituma habaho urwikikwe ko ayo matora atazatunganywa mu buryo bubereye bose.

Iryo tangazo ryasabye abiyamamaza kwirinda gukoresha imvugo zikarishye ngo kuko zishobora kuba imbarutso y’imvururu n’urugomo.
Leta zunze ubumwe z’Amerika zihangayikishijwe n’izimira ry’umukozi w’umwe mu batavuga rumwe na leta witwa Christopher Aine, kugeza ubu waburiwe irengero.

Amerika yahamagariye abagize guverinoma, sosiyete sivili n’amashyaka ya politiki guharanira ko amatora akorwa mu mahoro no mu mutuzo.
Yasabye leta ya Uganda kureka abaturage bayo bagakurikira ibijyanye n’amatora bisanzuye.

XS
SM
MD
LG