Uko wahagera

Kongo: Itora rya Perezida mu Kwezi kwa Gatatu


Denis Sassou nguesso na ministri w'intebe w'Ubushinwa Li Keqiang
Denis Sassou nguesso na ministri w'intebe w'Ubushinwa Li Keqiang

Itora rya prezida riteganyijwe mu kwezi kwa gatatu muri Repubulika ya Kongo. Ibyo bitangajwe nyuma y’uko itegekonshinga rishya ryemejwe. Iri tegeko rizatuma Perezida Denis Sassou Nguesso yongera kwiyamamariza indi manda.

Iryo tora ryari ryitezwe mu kwezi kwa kalindwi mu mwaka wa 2016, ariko ministri w’itumanaho yatangaje umugambi w’itora kuwa gatatu. Yavuze ko, komite nshya y’igihugu ishinzwe amatora, yashyizweho kandi ko n’umushinga w’itegeko rireba amatora, wemejwe.

Italiki y’itora yashyizweho ni iya 20, ukwezi kwa 3 mu mwaka utaha wa 2016.
Prezida Sassou Ngweso, ntiyari yavuga niba aziyamamaza cyangwa niba atazabikora. Cyakora, Referendumu yo mu kwezi kwa cumi, yemejwe n’abatoye barenga 92 ku ijana nk’uko bigaragazwa n’amajwi yabaruwe, akuraho manda ebyiri ntarengwa ndetse n’imyaka ntarengwa 70 y’amavuko y’abakandida perezida. Ibyahindutse mu itegeko, bituma prezida Nguesso agira amahirwe yo kwongera kwiyamamaza igihe yabishaka.

Abatavuga rumwe n’ubutegetsi bagerageje kuburizamo referendum, kandi bavuze ko, amajwi yavuye muri iryo tora, ari make kuyatangajwe. Umuyobozi utavuga rumwe n’ubutegetsi, Pascal Tsaty Mabiala, yasabye ko referendum igirwa impfabusa.

Nguesso, ufite imyaka 71, yatsinze amatora yo mu 2002 na 2009, mu matora ataravuzweho rumwe kandi ayoboye Congo imyinshi mu myaka 36 ishize.

XS
SM
MD
LG