Abanyarwanda bari imbere mu gihugu, kuri uyu wa gatanu, bagejeje imyaka yo gutora bazindukiye mu matora ya Kamarampaka agamije kwemeza ivugururwa ry'itegeko nshinga riha amahirwe Perezida Kagame kongera kwiyamamariza gutegeka u Rwanda.
Umukuru w'igihugu Paul Kagame na we witabiriye ayo matora mu kagari ka Kiyovu atuyemo, ariko ntiyemereye cyangwa ngo abahakanire abanyamakuru niba azongera kwiyamamaza. Yasobanuye gusa ko bizarebwa igihe kigeze.
Umunyamakuru w'Ijwi ry'Amerika Eric Bagiruwubusa yakurikiranye amatora ya Kamarampaka mu mujyi wa Kigali, umurwa w'u Rwanda.
