Uko wahagera

Centrafurika: Leta Yigenga ya Logone


Logone na Chari

Umuyobozi w’inyeshyamba za kiyisilamu yatangaje leta yigenga mu majyaruguru ya Repubulika ya Centrafurika. Uyu ni umugambi abakurikirana ibibera muri icyo gihugu bavuga ko uzabangamira gahunda zo guhagarika imvururu n’intambara imaze imyaka itatu muri ihabera.

Nourredine Adam, umuyobozi w’inyeshyamba za Seleka zahiritse ubutegetsi bwa Francois Bozize mu mwaka wa 2013, kuri uyu wa mbere yatangaje ko ashinze Repubulika ya Logone.

Ibivugwa n'uwo muyobozi bishobora kudindiza itangazwa ry’ibyavuye mu matora ya Kamparampaka yabaye ku cyumweru ku ihinduka ry’itegekonshinga. Iryo tora ryaranzwe n’imvururu mu duce tumwe na tumwe, byaviriyemo ingabo z’umuryango w’abibumbye koherezwa gucunga umutekano muri utwo duce.

Biteganyijwe ko ibizava muri iyo Kamparampaka bizaba ishingiro ry’amatora y’umukuru w’igihugu ateganyijwe tariki ya 27 z’uku kwezi.

Dominique Said Panguindji, umuvugizi wa leta y’inzibacyuho yasohoye itangazo kuri uyu wa kabili risaba umuryango mpuzamahanga n’ingabo za l’ONU gukora ibishoboka byose bakabuza abo yise intagondwa gusubiza igihugu I rudubi.

Izo ngabo z’umuryango w’abibumbye ziherutse kumanura ibendere ry’inyeshyamba ryari rimanitse ku biro bya polisi mu mujyi wa N’Dele uri mu majyaruguru y’igihugu.

Deparitoma ya leta y'Amerika yasohoye itangazo rishima uburyo kamparampaka yagenze.

XS
SM
MD
LG