Uko wahagera

Umubano w’Ubushinwa n’Afurika uratera imbere


Ubushinwa bwiyemeje guha ibihugu by’Afrika akayabo k’amadolari miliyari 60 y’imfashanyo n’inguzanyo, arimo inguzanyo ya miliyari eshanu Ubushinwa bitazasabamo inyungu gato. Perezida Xi Jinping yabitangarije uyu munsi i Johannesburg, muri Afrika y’Epfo, mu nama y’abakuru b’ibihugu by’Afrika n’Ubushinwa.

Perezida Xi yasobanuye ko igihugu cye kizashora imali mu bikorwa-remezo, ubuhinzi, no kurwanya ubukene muri Afrika. Ariko rero, kuri we, “Afrika ni iya bene yo. Ibibazo byayo bigomba gukemurwa n’abaturage bayo ubwabo. Ubushinwa ntibuzigera bwivanga mu bibazo bya politiki by’Afrika.”

Ubushinwa bumaze kuba igihugu cya mbere ku isi gihahirana cyane n’Afrika. Mu 2014, imali ituruka cyangwa ijya mu mpande zombi yari imaze kurenga amadolari miliyari 220.

XS
SM
MD
LG