Uko wahagera

Koreya ya Ruguru na Koreya y'Epfo zemeranijwe gukoresha ibiganiro mu cyumweru gitaha nk’uburyo bwo gusubukura imishyikirano hagati ya guverinoma zombi.

Ibi biganiro byasabwe ejo kuwa kane tariki 19 ukwezi kwa 11 umwaka wa 2015, n'akanama ko muri Koreya ya Ruguru gashinzwe kwunga mu mahoro ikigobe cya Koreya.

Minisitiri ushinzwe ikibazo cy'ubumwe muri Koreya y'Epfo uyu munsi yavuze ko yemeye ibisabwa, kandi yumvikanisha ko ibiganiro bishobora kubera mu mudugudu wa Panmunjom. Itariki yatanze ni iya 26 y’uku kwezi kwa 11 umwaka wa 2015.

Ibyo biganiro by'ikubitiro, bigamije gutegura imishyikirano yo ku rwego rwa za guverinema, byari byemeranyijweho mu kwezi kwa munani uyu mwaka. Ibi byabaye intambwe ikomeye mu mateka yo kuvugurura umubano wa Koreya y'Epfo na Koreya ya Ruguru.

Ibihugu byombi byemeranije gukora ibiganiro byo ku rwego rwo hejuru. Binemeranwa gusubukura ibikorwa byo guhuza imiryango yatandukanyijwe n’ubushyamirane bwabaye mu myaka ya za 50.

XS
SM
MD
LG