Uko wahagera

Rwanda: Mu Bize Kaminuza 13 kw'Ijana ni Abashomeri


Kaminuza Nkuru y'u Rwanda i Butare

Kaminuza Nkuru y'u Rwanda i Butare

Mu Rwanda, imiryango itari iya Leta ivuga ko ikibazo cy’abashomeri cyane cyane abarangije kaminuza gihangayikishije igihugu.

Mu bushakashatsi bwashyizwe ahagaragara n'iyo miryango tariki ya gatanu y'ukwa cumi na kumwe mu 2015, bwerekanye ko abagera kuri 13.5 ku ijana barangije kaminuza batagira akazi.

Iyi miryango ivuga ko abagerageje kwihangira imirimo ihomba itaragira aho igera kubera ikibazo cy’imisoro. Umuvugizi w’iyi miryango bwana Munyamariza Edouald asaba Leta korohereza abagitangira imishinga ibyara inyungu, ku buryo bamara byibura imyaka 3 bataratangira kwakwa imisoro.

Ku ruhande rwa Leta y’u Rwanda, minisitiri ushinzwe abakozi ba Leta Madame Uwizeye Yudith yavuze ko abarangije kaminuza bakwiye guhindura imyumvire, ntibumve ko bagomba kubona akazi ko mu biro gusa.

Ubu bushomeri bwugarije cyane abakiri bato bari mu nsi y'imyaka 30 y'amavuko. Abakurikiranira hafi iki kibazo bemeza ko cyatangiye kuzana ingaruka mu miryango, aho usanga abana bahangana n’ababyeyi babo bakomeza kubasaba amafaranga ababyeyi bayabura bigakurura umwiryane mu miryango.

Guverinoma y'u Rwanda yakunze gusobanura ko yashyizeho ingamba zo guhanga imirimo igera k ubihumbi 200.000 buri mwaka.

XS
SM
MD
LG