Uko wahagera

Zimbabwe: Perezida Mugabe Akwiye Kuvaho?


Perezida wa Zimbabwe Robert Mugabe

Perezida wa Zimbabwe Robert Mugabe

Perezida wa Zimbabwe ntagishoboye, akwiye kwegura. Ni ko abatavuga rumwe nawe batangiye gusaba, nyuma y’aho Perezida Mugabe asomeye disikuru itariyo mu nteko ishinga amategeko. Iyo disikuru, yari amaze ibyumweru bitatu ayisomeye na none mu nteko ishinga amategeko. Yayisubiyemo yibeshye.

Ejo kuwa kabili, ibiro bye byasabye imbabazi, bitangaza ko ari byo byamuhaye disikuru itari yo. Nyamara ishyaka rya mbere rikomeye ritavuga rumwe na Perezida Mugabe, Movement for Democratic Change, ryo risanga ari ikosa bwite rya Perezida Mugabe, badakwiye kumva ko ari ikintu cyoroshye.

Mu kiganiro yagiranye n’abanyamakuru, umuvugizi wa MDC, Obert Gutu, yagize, ati: “Perezida wacu turamwubaha, ariko byumvikane neza ko ku myaka 91 amaze kunanirwa rwose. Iyo Zimbabwe iza kuba ari demokarasi, inteko ishinga amategeko yashingira ku itegekonshinga ikamukuraho.”

Robert Mugabe amaze imyaka 35 ku butegetsi.

XS
SM
MD
LG