Uko wahagera

Perezida Barack Obama Yakiriye Perezida Mushya wa Nijeriya


Perezida Barack Obama w'Amerika yakira perezida mushya wa Nijeriya Mohammadu Buhari muri perezidensi y'Amerika i Washington tariki ya 20/07/2015

Perezida Barack Obama w'Amerika yakira perezida mushya wa Nijeriya Mohammadu Buhari muri perezidensi y'Amerika i Washington tariki ya 20/07/2015

Perezida wa Leta Zunze ubumwe za Amerika, Barack Obama, yabonanye na perezida mushya wa Nijeriya Muhammadu Buhari, kuri uyu wa mbere, muri perezidansi ya amerika. Mu bibazo baganiye harimo icy’umutekano muke uterwa n'umutwe w'iterabwoba wa Boko Haramu.

Bwana Obama yise Nijeriya kimwe mu bihugu bifite akamaro kanini kw'isi. Yongeyeho ko amatora aheruka murti Nijeriya, n’inzibacyuho yabaye mu mahoro igihugu kigera kuri guverinema nshya, ari gihamya ko Nijeriya igendera kuri demokrasi.

Yongeyeho ko afite impungenge cyane, ku bitero bya Boko Haramu, kandi ko yizeye ko perezida Buhari, afite gahunda isobanutse yo gutsinda uwo mutwe, no kurandura ruswa yadindije iterambere ry’ubukungu bwa Nigeria.

Bwana Obama yavuze ko ategereje n'igishyika, ibiganiro ku buryo Leta Zunze Ubumwe za Amerika na Nijeriyaa bishobora gufatanya mu byerekeye kurwanya iterabwoba.

Uruzinduko rw’iminsi ine, rwa bwana Buhari, ni urwa mbere agiriye Inaha I Washington, kuva atorewe kuba perezida, mu kwezi kwa gatatu.

XS
SM
MD
LG