Uko wahagera

Ingabo za Nijeriya zivuga ko zabohoje akarere ka nyuma, kari mu maboko y'abarwanyi b'intagondwa ba Boko Haram. Aho ni muri leta ya Adamawa iri mu majyaruguru ashyira burasirazuba

Zikoresheje urubuga rwazo rwa Twitter, izo ngabo za Nijeriya zivugako nta murwanyi wa Boko Haram usigaye mu gace ka Madagali, kari hafi y'umupaka w'igihugu cya Kameruni.

Mu kiganiro yagiranye n'Ijwi ry'Amerika ejo kuwa kane, perezida wa Nijeriya Goodluck Jonathan yari yatangaje ko, hagati mu cyumweru gitaha, Boko Haram izaba yatakaje uturere yigaruriye muri reta ya Adamawa na Yobe.

Ibitero by'ingabo mpuzamahanga byirukanye abarwanyi ba Boko Haram mu mijyi myinshi bari barigaruriye muri ako karere ka Nijeriya. Ingabo zirimo iza Cadi, Nijeri na kameruni zagize ruhare rukomeye mu mirwano yo guhashya Boko Haram. Muri iki cyumweru, perezida Jonathan wa Nijeriya n'abandi bayobozi ba guverinoma bemeje ko hari n'izindi ngabo z' amahanga zifasha Nijeriya muri iyo mirwano.

Mu banyamahanga bavugwa, harimo abakomoka muri Afurika y'Epfo, Ubwongereza na Ukraine.

XS
SM
MD
LG