Uko wahagera

Al- Shabab Yibasiye Abategetsi Muri Somaliya.


Abashinzwe umutekano kuri Central Hotel i Mogadishiyo tariki 20, 2015.

Abashinzwe umutekano kuri Central Hotel i Mogadishiyo tariki 20, 2015.

Al- Shabab yibasiye abategetsi muri Somalia. Uwungirije minisitiri w’intebe wa Somaliya yakomeretse, abandi 10 biciwe mu gitero al-Shabab yakoze ku ihoteli mu murwa mukuru Mogadishiyo.

Umunyamakuru w’ Ijwi rya Amerika I Mogadishiyo, avuga ko igisasu cya mbere cyaturitse ubwoa abari mu i hoteli bari barangije amasengesho kuwa gatanu taliki 20 y'ukwezi kwa kabiri, umwaka wa 2015, mw'ihoteli yitwa “Central Hotel”. Igisasu cya kabiri cyaje gukurikiraho. Nyuma humvikana urusaku rw’imbunda.

Umuvugizi w’ibigo bishinzwe umutekano, Qasim Ahmed Roble, yavuze ko, imodoka yari yuzuye ibisasu biturika, yinjijwe ku ihoteli mu gihe cy’amasengesho kuwa gatanu.

Umwotsi w’umukara wabonekaga usohoka muri Central Hotel, ihoteli igendwamo cyane n’abategetsi, harimo n’abagize inteko ishingamategeko n’abaminisotiri muri guverinema ya Somaliya.

Nk’uko abategetsi babivuga, uwari wungirije Meya wa Mogadishiyo, Mohamed Aden Guled, ari muri abo bahitanywe n’icyo gitero. Mu bakomeretse, harimo uwungirije ministri w’intebe, Mohamed Omar Arte na minisitiri ushinzwe Transiporo n’iby’indege, Ali Ahmed Jangali.

Al Shabab yigambye ko ariyo yagabye icyo gitero.

XS
SM
MD
LG