Uko wahagera

Washington: Inama Mpuzamahanga Ku Iterabwoba

  • VOA Africa

Prezida wa Amerika, Barack Obama ariko ashikiriza ijambo mu nama mpuzamakungu kw'iterabwoba

Prezida wa Amerika, Barack Obama ariko ashikiriza ijambo mu nama mpuzamakungu kw'iterabwoba

Perezida Obama amaze gusoza inama yari imaze iminsi itatu iteraniye hano i Washington ku kibazo cy’intagondwa. Yarimo intumwa z’ibihugu birenga 60. Umunyamabanga mukuru w’Umuryango w’Abibumbye, Ban Ki-moon, nawe yari muri uwo muhango.

Mu ijambo rye, Ban Ki-moon yavuze ko Boko Haram na Etat Islamique ari imitwe ibangamiye amahoro n’umutekano w’isi yose. Ariko yongeyeho ko na guverinoma zo ku isi akenshi na kenshi nazo zifite uruhare mu biba kubera gukandamiza bamwe, kandi ari bene abo bakandamizwa imitwe y’iterabwoba ishakamo cyane abayoboke. Ati: “Ipyinagaza, ruswa, no kurenganya ni bimwe mu bitera uburakari muri rubanda.”

Kuri Ban Ki-moon, “kurwanya ubuhezanguni cyangwa intagondwa no guteza imbere uburenganzira bwa muntu ntibisigana” kandi kurwanya iterabwoba ntibigomba kuba intandaro yo kwikiza abo mutavuga rumwe.

Naho Prezida Obama yasobanuye, ati: " Abavuga ko kurwanya imitwe y'iterabwoba ari ukurwanya idini rya Islam ni ikinyoma cyambaye ubusa". Nawe yashimangiye ko abayobozi bo ku isi bakwiye kwihatira kurandura ubukene n'Ipyinagaza, kuko ari byo mizi imitwe y'iterabwoba iheraho ishakisha abayoboke. Yongeyeho ati: "Urubyiruko rwigishwa kwangana. Ni twe abakuze tubibigisha. Ni ingiro ikwiye guhinduka."

XS
SM
MD
LG