Umubare w’abantu bahitanywe n’indwara ya Ebola, wamaze kugera ku 9,152. Ubwiyongere buri hejuru, nyuma y’ibyumweru byari bishize icyo cyorezo gisa n’icyacitse intege.
Amakuru atangazwa n’ishami rya ONU ryita ku buzima OMS, yerekana ko, hari abantu bagera ku 150 bapfuye, kuva mu minsi itatu ishize, ubwo iryo shami rya ONU ryatangaje imibare iheruka.
OMS yavuze ko umubare w’abantu banduye bwa mbere, wiyongereyeho 303, 136 babarurwa muri Liberiya, 113 muri Sierra Leone, na 54 muri Gineya.
Intumwa yihariye ya ONU ku ndwara ya Ebola, Docteur, David Nabarro, yabwiye abanyamakuru, ari i Geneve, mu Busuwisi ko imibare mishya yerekana ko icyo cyorezo kitarabasha guhagarikwa. Yavuze ko intego ari ukugabanya umubare w’abandura kugeza ugeze kuri zeru.