Uko wahagera

Abakora Ubuhinzi Baracyafite Inzitizi mu Rwanda


Ubushakashatsi bwakozwe ku buhinzi n’abagize imiryango itegamiye kuri leta mu Rwanda bugaragaza ko n’ubwo hari aho ubuhinzi bwavuye, ababukora bagisaba byinshi.

Mu bintu abakora ubuhinzi bagifitemo impungenge, harimo kuba bakibona inyongeramusaruro n’imbuto z’indobanure bigoranye. N’iyo zibonetse, ngo ntibyorohe kuzigondera, ndetse n’abashinzwe icengezamatwara mu buhinzi bafasha abakesha amaramuko mu buhinzi hirya no hino bakiri bake. Ibi n’ibindi igihe cyose bikiri intambamyi ku bahinzi, byumvikana ko bazaguma guhingira imiryango yabo gusa badasagurira amasoko.

Imibare ya minisiteri y’ubuhinzi n’ubworozi mu Rwanda igaragaza ko ubuhinzi buhagaze kuri 31% by’ubukungu bwose bw’igihugu. Ubuhinzi butunze abantu bagera kuri 75%, kandi 52% ari abagore.

Mu gihe habura imyaka 5 ngo icyerekezo 2020 kigere, bishobora kumvikana nk’ibigoranye ko leta y’uRwanda yazagera ku ntego yiyemeje yo kuba abanyarwanda bazaba batunzwe no guhinga kandi nabo bya kimwuga bazaba ari 8%. Kgeza magingo aya, barakiri kuri 75%.

Icyerekezo cy’iterambere rirambye n’imibereho myiza y’abaturage bishingiye ku kongera umusaruro, bikaba n’inzira yo kwigira ni yo nsanganyamatsiko ku bateguye inama y’umushikirano ku buhinzi.

XS
SM
MD
LG