Uko wahagera

Ukraine n'Uburusiya Biratungana Agatoki ku Gisasu cya Donetsk


Imijyi ya Donestsk, Slovyansk and Kramatorsk muri Ukraine

Imijyi ya Donestsk, Slovyansk and Kramatorsk muri Ukraine

Abategetsi ba Ukraine baravuga ko ibisasu byarashwe bigakubita bisi itembereza abasura umujyi wa Donetsk mu Burasirazuba bw’igihugu, byahitanye abantu byibura 13. Ibyo bisasu kandi byatumye Ukraine n’Uburusiya bitangira gutungana agatoki.

Minisitiri w’ubutegetsi bw’igihugu wa Ukraine, Arseniy Yatsenyuk, yashyize ahagaragara itangazo ku rubuga rwa guverinema kuri interineti, yamagana ibyo yise abakoresha iterabwo b’Uburusiya. Impamvu nyamukuru ni icyo gitero ku mujyi wabaye indiri y’imirwano hagati y’ingabo za Ukraine n’abitangukanyije bashyigikiwe n’Uburusiya.

Minisitiri w’ububanyi n’amahanga w’Uburusiya, Sergei Lavrov yavuze ko ingabo za Ukraine, ari zo nyirabayaza ku byo yise ubushotoranyi, n’ibyaha byibasiye inyoko muntu.

XS
SM
MD
LG