Uko wahagera

Kongo: Imyigaragambyo Yahitanye Abantu Barenga 40


North Kivu, DRC

North Kivu, DRC

Imyigaragambyo yahitanye abantu muri Republika Iharanira Demokrasi ya Congo.

Muri Republika Iharanira Demokrasi ya Congo, imiryango iharanira uburenganzira bwa muntu, ivuga ko abantu biciwe mu myigaragambyo yo muri iki cyumweru. Abigaragambya baramagana itegeko rishya abanenga ibintu bavuga ko rishobora kwongerera prezida Josepf Kabila, igihe ku butegetsi. Impuzamiryango y’uburenganzira bw’ikiremwa muntu mu rwego mpuzamahanga, ivuga ko abantu byibura 42 biciwe mu bushyamirane n’ingabo zishinzwe umutekano I Kinshasa kuva kuwa mbere, ubwo imyigaragambyo yatangiraga yamagana iryo tegeko rireba amatora.

Uwo muryango wahamagariye abategetsi ba Congo, guhagarika icyo wise ikoreshwa ry’ingufu ndengakamere ku bigaragambya.

Ukora ubushakashatsi bw’Umuryango Human Rights Watch muri Congo, Ida Sawyer, avugana n’ijwi rya Amerika ari I Kinshasa, urebye yagabanyije uwo mubare, yemeza ko kuva kuwa mbere hapfuye abantu 20.

Amatsinda atavuga rumwe na leta, avuga ko iryo tegeko, risaba ibarura mbere y’amatora ya prezida ateganyijwe mu mwaka utaha wa 2016, ari uburyo bwo gutuma perezida Kabila aguma ku butegetsi nyuma ya manda ebyiri yemerewe n’itegekonshinga.

XS
SM
MD
LG