Uko wahagera

Kenya: Guhindura Itegeko Rireba Umutekano


Umupolisi wa Kenya ushinzwe gukumira imyigaragambyo

Umupolisi wa Kenya ushinzwe gukumira imyigaragambyo

Muri Kenya, urukiko rukuru rwahagaritse ibice bimwe bikomeye by’itegeko ry’igihugu rishya, rireba umutekano, mu gihe rikorerwa isuzumwa ryimbitse.

Juji w’urukiko rukuru, George Odunga, kuri uyu wa gatanu yavuze ko, itegeko rishya ryo kurwanya iterabwoba ryabyukije impungenge ku byerekeye ihohoterwa ry’uburenganzira bw’ikiremwa muntu.

Ibyo bije nyuma y’uko abatavuga rumwe n’ubutegetsi bwa Kenya batanze ikirego.

Nyuma y’uko inteko ishingamategeko ishyize umukono kuri iryo tegeko, mu kwezi gushize, perezida Uhuru Kenyatta yavuze ko, iryo tegeko riha igihugu zimwe mu ntwaro rikeneye zo kurwanya ibitero by’iterabwoba.

Kuvugurura amategeko y’igihugu ajyana n’umutekano, w’igihugu, ryongereye igihe, abakekwa bashobora kumara bafunze bataraburana, kigera ku minsi 360, kivuye ku minsi 90. Ayo mavugurura kandi yashyizeho amabwiliza akaze ku buryo ibitangaza amakuru bitangaza amakuru yerekeye umutekano.

Abanenga ibintu bavuga ko izo ngamba zibangamiye ukwishyira ukizana kw’abasivili n'uburenganzira bwo kuvuga icyo umuntu ashaka. Perezida Kenyatta yavuze ko, abantu bakwiye gutinya iryo tegeko, ari gusa, abakora ibikorwa by’urugomo.

XS
SM
MD
LG