Uko wahagera

Mali: Abategetsi Bahagurukiye Icyorezo cya Ebola


Dr. Samba Sow, ushinzwe gukurikirira ha Bamako, Mali, Nov. 17, 2014.(Katarina Höije/VOA)

Dr. Samba Sow, ushinzwe gukurikirira ha Bamako, Mali, Nov. 17, 2014.(Katarina Höije/VOA)

Igihugu cya Mali kirakurikiranira hafi abantu barenga 300 bahuye n'abarwayi wa Ebola.

Abategetsi bashinzwe ubuzima muri Mali bavuga ko barimo gukirikiranira hafi abantu 338 bafite aho bahuriye n'abarwayi batandatu bahitanywe na Ebola muri icyo gihugu. Abenshi muri abo bakurikiranwa buri munsi.

Itangazo ishami rya ONU ryita ku buzima OMS, ryashyize ahagaragara kuri uyu wa kane ryavuze ko abo bantu 118, bagize aho bahurira n'abantu bahitanywe na Ebola, barangije iminsi yabo 21 iyo ndwara igaragarizamo ibimenyetso.

Iryo tangazo ryavuze ko gushakisha abahuye n'abarwayi, hagamijwe kubuza iyo ndwara gukwirakwira, byagaragaje ko aribwo buryo bwo guhagarika iyo ndwara, nk'uko byigaragaje mu bihugu bituranye na Mali, aribyo Senegali na Nigeria.

OMS yatangaje imibare mishya ku byerekeye Ebola, yavuze ko, mu bantu ibihumbi 15,145 banduye Ebola, kugeza ubu 5,420 bamaze gupfa bazira icyo cyorezo. Cyakora OMS iburira ko umubare w'abandura n'abahitanwa n'iyo ndwara, ukomeje kudatangazwa wose.

Habonetse abantu bake banduye mu bindi bice by'isi, nko muri Leta Zunze Ubumwe za Amerika, ariko ibihugu byo mu burengerazuba bw'Afurika, Gineya, Liberiya na Sierra Leone, nibyo bikomeje kwibasirwa n'icyo cyorezo.

XS
SM
MD
LG