Uko wahagera

Urukingo rwa Ebola Rushobora Kuboneka mu Ntangiriro za 2015


Dr. Felicity Hartnell, wo muri Kaminuza ya Oxford afashe urukingo rwa Ebola muri laboratwari

Dr. Felicity Hartnell, wo muri Kaminuza ya Oxford afashe urukingo rwa Ebola muri laboratwari

Ishami rya ONU ryita ku Buzima OMS, riravuga ko urukingo rwa Ebola rushobora kuzaba rwatangiye gukoreshwa bitarenze ukwezi kwa mbere k'umwaka utaha.


Umuyobozi wungilije wa OMS, Dr. Marie Paule Kieny, ejo kuwa kabiri yavuze ko, urukiko rwa Ebola ubu rurimo kugeragezwa, ko bitegeanyijwe ko ruzakoreshwa ku mu gabane w’Uburayi, muri Leta Zunze ubumwe za Amerika, no muri Afurika. Yavuze ko, bigaragaye ko nta mbogamizi urwo rukingo rwatera, rushobora gukorerwa igeragezwa mu burengerazuba bwa Afurika. Avugana n’abanyamakuru I Geneve mu Busuwisi, Dr. Kieny ntiyavuze igihe urukingo rwa Ebola, rwazaba rwabonetse ahantu hose.


Muri Espagne, abategetsi bashinzwe ubuzima, bavuga ko ibyiciro bibiri by’igeragezwa ry’urwo rukingo, byerekanye ko umukozi wo kwa muganga ufatanya n’umuforomo, wari wanduye Ebola, ubu nta virusi ikimurwangwamo. Teresa Romeo Ramos, yari mu bitaro kuva aho amariye gusuzumwa iyo ndwara ya Ebola, mu ntangiliro z’uku kwezi. Iyi ndwara imaze guhitana abantu barenga ibihumbi 4 na magana 5 mu burengererazuba bwa Afurika uyu mwaka.


Ejo kuwa mbere, OMS yatangaje ko nta Ebola irangwa muri Nijeriya, nyuma y'iminsi 42 nta muntu ugaragayeho iyo ndwara. Cyakora perezida wa Nijeriya, Goodluck Jonathan, yasabye ko ingamba zoze zo kurwanya Ebola muri Nijeriya zigumaho, harimo no gupima abantu bose binjiye mu gihugu.

XS
SM
MD
LG