Uko wahagera

Nijeriya: Boko Haram Yashimuse Abantu 100


Boko Haram irasenya aho inyuze
Boko Haram irasenya aho inyuze

Muri Nijeriya, abagabo bafite imbunda bakekwa kuba abarwanyi b’umutwe w’iterabwoba wa Boko Haram bashimuse hafi abantu 100 ku musozi uri hafi y’ikiyaga cya Chad.

Ababyiboneye bavuga ko abo bagabo bafite imbunda biraye mu gace ka Doron Baga muri leta ya Borno, aho bakubiye hamwe abasivili, nyuma batwika inzu zabo. Basobanuye ko abantu 26 biciwe muri icyo gitero.

Abo babyiboneye bavuganye n’abanyamakuru taliki ya 15/08/2014, nyuma yo guhunga ingo zabo bajya mu mujyi wa Maiduguli, ari wo murwa mukuru wa leta ya Borno. Bamwe bavuze ko abashimuswe ari abagabo n’abahungu. Hari ‘abavuze ko n’abakobwa bari mu bantu bashimuswe.

Mu kwezi kwa kane mu mwaka wa 2014, umutwe wa Boko Haram washimuse abakobwa barenga 200 muri iyo leta ya Borno.

XS
SM
MD
LG